「遲唔會遲，早唔會早，戴表戴樂都，時間啱啱好」1960-80年代深入民心的腕錶品牌Octo樂都表沉寂多年後，今年夏天回歸鐘錶界，以三款全新限量版腕錶作見面禮，並快將於中環擺花街開設期間限量店。

新錶保留上世紀的經典設計美學及特色，尺寸是當年常見、近年再度流行的Mid-size尺寸，錶鏡採用當年流行的Acrylic Crystal膠鏡，而非現今流行的藍寶石水晶。充滿古祖味、棱角分明的錶殼，經過簡單的磨砂或拋光處理，造就清晰紋理以加強立體感。配襯近年已甚少見的標誌性「片帶」鏈帶，用家佩戴腕錶時，鏈節間因觸碰而發出清脆的「格格」聲，更添懷舊味。

三款復刻錶包括Missilemaster復刻版Ref.1016，屬大三針日曆自動上鍊腕錶，6時位特別保留 “Missilemaster”標誌。38mm直徑錶殼保留當年的「鑽穿錶耳」特色，搭載Miyota 8215-21A自動上鍊機芯，參考價550美元起。

另一款大三針Ref.1119自動上鍊腕錶，採用近年流行的一體式鏈帶設計，金色植釘刻度配金色指針，刻度頂部加上Super-Luminova 夜光珠點綴。37mm直徑錶報搭載Miyota 9039 Slim自動上鍊機芯，參考價650美元起。

還有一款是Ref.3003世界時間腕錶，採用極具六七十年代風格的圓弧形錶殼配斜形世界時區外環。中央藍色蛇形指針帶有紅色箭頭，指示第二時區時間。38mm直徑錶殼搭配Ronda 505.24H Quartz石英機芯，參考價410美元起。

所有腕錶限量200枚，每枚附有限量編號，最特別是每個編號的定價均有所不同，例如 Ref.1016的No.001售價為550美元，No.002售價便是551美元，如此類推。即是說「早買早享受」想以較低價錢入貨就要快人一步買細冧巴編號，又或是想揀選大冧巴心水編號就要花多點錢了。

Octo樂都表中環期間限量店

日期︰2024年7月12日至8月9日

時間：11am至8pm

地址︰中環擺花街 52-60 號新豐樓地下 05 號舖

Octo｜樂都表回歸 中環開旗間限定店

Octo｜樂都表回歸中環開旗間限定店